ہووے مہربانی ذوالجلال تیری
عبدالحمیدنظامی
حمد لکھاں کیہ جلَّ جلال تیری
اُچی سُچی اے ذات کمال تیری
ہے کمال نوں انت زوال سنیا
ہستی قادرا لا زوال تیری
بنا تیرے محبوب توں ہور کوئی
جھل سکیا نہیں کوئی جھال تیری
شاہ رگ دے نیڑے توں وسنائیں
جگ باہر پیا کردا بھال تیرے
نالے سوہنے دے ہتھ نیں ہتھ تیرے
نالے مثل تے نہیں مثال تیری
روزی وچ پاتال وی دئی جاویں
عجب مالکا پالنی پال تیری
جے چاہوے تے موت دے مونہہ وچوں
رحمت لیندی اے جھٹ نکال تیری
حکم چلدا پانیاں وچ تیرا
ہر اک شے دے اُتے سنبھال تیری
ِنت کرے نظامیؔ وی شکر تیرا
ہووے مہربانی ذوالجلال تیری
