نوازشریف دی جائیداد ویچن دا فیصلہ: اسلام آباد ہائیکورٹ وچ چیلنج
لہور( پنجابی میڈیا گروپ)سابق وزیراعظم نوازشریف دی جائیداد ویچن دا فیصلہ اسلام آباد ہائیکورٹ وچ چیلنج کردتا گیا۔احتساب عدالت اسلام آباد نے توشہ خانہ ریفرنس وچ اشتہاری ملزم نواز شریف دی جائیداد ضبط تے ویچن دا حکم جاری کیتا سی۔جس اُتے نواز شریف دی جائیداد دے تین دعویدار ساہمنے آئے تے اوہناں نے احتساب عدالت نال رجوع کیتا لیکن ٹرائل کورٹ نے اوہناں دیاں درخواستاں مسترد کر دتیاں۔نواز شریف دی جائیداد نیلامی دے خلاف تین درخواستا مسترددرخواست گزاراں میاں اقبال برکت،اسلم عزیز تے اشرف ملک نے احتساب عدالت دے فیصلے دے خلاف اسلام آباد ہائیکورٹ نال رجوع کردئیاں ہوئیاں مقف اختیار کیتا اے کہ اپر مال لہور دا گھر، رائیونڈ دی اک سو پنج ایکڑزمین نوں ضبط کرن توں روکیا جائے۔درخواست وچ آکھیا گیا اے کہ شیخوپورہ دی88کنال زمین نوںضبط کرن لئی احتساب عدالت دا حکم ویکالعدم قرار دتا جائے۔درخواست وچ آکھیا گیا اے کہ احتساب عدالت نے فیصلہ دیندیاں وقت حقائق نوں نظر انداز کیتا، یکم اکتوبر2020، اپریل تے جون2021دا احتساب عدالت دا فیصلہ کالعدم قرار نہ دتا گیا تے درخواست گزار متاثر ہون گے تیاوہناں نوں ناقابل تلافی نقصان پہنچن دا اندیشہ اے۔





















