پِلاک ولوں نامور اداکار رفیع خاور عرف ننھا دی ورھے گنڈھ دی تقریب

رپورٹ: سید علی قیصر

پنجاب انسٹیٹیوٹ آف لینگویج آرٹ اینڈ کلچر، محکمہ اطلاعات وثقافت پنجاب دے زیر اہتمام اک پروقار تقریب وچ نامور اداکار رفیع خاور عرف ننھا دی سالگرہ منائی گئی۔ ایس موقعے اُتے اک مکالماتی نشست وچ ہدایتکار الطاف حسین تے خاقان حیدر غازی نے اداکار ننھا دی شخصیت تے فن دے حوالے نال بھرپور گل بات کیتی۔ الطاف حسین نے کہیا کہ اوہ جنہے چنگے فنکار سن اینے ای چنگے انسان وی سن۔ اوہناں نے بغیر معاوضہ دے میری فلماں وچ کم کیتا۔اوہناں نے ہمیشہ جاندار کردار نبھائے۔ کئی فلماں ایہناں دے کردار دی وجہ نال بوہت ہٹ ہوئیاں۔ ہر انسان نال خوش مزاجی نال پیش آندے رانا پرستی ناں دی کوئی شے ایہناں وچ نہیں سی۔