پاکستان دی زمین کسی دے خلاف استعمال نہیں کراں گے: شاہ محمود قریشی
اسلام آباد( پنجابی میڈیا گروپ ) وزیر خارجہ شاہ محمود قریشی نے آکھیااے کہ پاکستان اپنی سرزمین دوجے کسی ملک دے خلاف استعمال ہون دی اجازت نہیں دیوے گا، الزام تراشیاں دے نال کسی فریق نوں کجھ حاصل نہیں ہو وے گا۔ عمران خان نوں ایوان وچ بولن دا حق نہیں تے قائد حزب اختلاف نوں وی نہیں۔افغان امن عمل،خطے دی صورتحال تے ملکی سیاست وچ اپوزیشن دے رویے دے حوالے توں اپنے اک بیان وچ وزیر خارجہ شاہ محمود قریشی نے آکھیااے کہ افغان امن عمل اک انتہائی نازک مرحلے وچ داخل ہوگیا اے۔ افغانستان دے نائب صدر تے نیشنل سکیورٹی ایڈوائزر دے بیانات سلجھاؤ دی بجائے الجھاؤ دا باعث سن، الزام تراشیاں دے نال کسی فریق نوں کجھ حاصل نہیں ہو وے گا، اپنی کوتائیاں توں نگاہ چرا ن گے تے حل نہیں نکلے گا، افغان قیادت مل بیٹھ کے اپنے مسائل حل کرے۔ افغان قیادت آپس وچ بیٹھ کے اک دوجے لئی گنجائش پیدا کرن۔ وزیرخارجہ شاہ محمود قریشی نے آکھیا ساڈا مشترکہ عزم ،ایس خطے دا امن واستحکام اے ۔ پاکستان اپنی سرزمین دوجے کسی ملک دے خلاف استعمال ہون دی اجازت نہیں دیوے گا، شاہ محمود قریشی نے مزیدآکھیا اے کہ بھارت وچ اج کھنچائو واضح وکھائی دے رہیا اے۔اوتھے اقلیتاں دبائو وچ نیں۔ اوہ خود نوں غیر محفوظ محسوس کرر ہیاں نیں۔بجٹ دے حوالے توں شاہ محمود قریشی ہوراں داآکھنا سی کہ اپوزیشن مہذب طریقے دے نال اظہار رائے کرے۔ ایوان وچ اپوزیشن ممبران لوکائی نوں مشتعل کرن دی کوشش کردے نیں۔ سارے ممبران نوں بجٹ اتے گل کرن د ا حق اے۔ جہڑی تنقید کرنی اے ضرور کرن، اپنی گل کرن، تے حکومتی موقف نہ سنن ،ایہہ مناسب نہیں۔ یکطرفہ ٹریفک نہیں ٹورے گی۔





















