چیئرمین نیب جعلی کیس ختم کران: شاہد خاقان عباسی

اسلام آباد(پنجابی میڈیا گروپ )پچھلے وزیرِ اعظم، مسلم لیگ نون دے رہنما شاہد خاقان عباسی داآکھنا اے کہ امید اے کہ چیئرمین نیب نوں رپورٹ جاندی ہووے گی۔ اوہ ایہہ جعلی کیس ختم کرن۔ اسلام آباد دی احتساب عدالت دے بار میڈیا دے نال گل بات کردیاں ہویاں پچھلے وزیرِ اعظم، مسلم لیگ نون دے رہنما شاہد خاقان عباسی نے آکھیا کہ نیب عدالت وچ پیشی سی، ہمیشہ دی طرحاں اج وی ایہوی ڈیمانڈ اے، عدالتاں وچ سرکاری کیمرے لگادتے جان۔ سرکاری گواہ نے آکھیا کہ ٹرمینل توں ملک دا کوئی نقصان نہیں ہویا۔ اوہناں نے آکھیا اے کہ چینی سکینڈل وچ ایف آئی اے دے گواہ نے اپنے ادارے دے خلاف بیان دتا۔ ایل این جی کیس وچ تے حکومتی گواہ آکھ رہیا اے کہ سرکاردا کوئی نقصان نہیں ہویا۔ ایسی گواہ توں پچھیا گیا کہ کرپشن دا الزام اے ،ایس نے جواب دتا کوئی کرپشن دا الزام نہیں اے۔پچھلے وزیرِ اعظم نے آکھیا کہ اسٹیٹ بینک نے 32 صفحات اتے ایل این جی سیکٹر دی اسپیشل رپورٹ دتی اے۔

اپنا تبصرہ گھلو