حکومتی بجٹ تقریر عوام نال دھوکہ اے : مریم اورنگزیب
اسلام آباد (پنجابی میڈیا گروپ ) پاکستان مسلم لیگ ن دی ترجمان مریم اورنگزیب نے آکھیا اے کہ شہبازشریف دی تقریر روک دے عمران خان اپنی جھوٹھی تقریر کرن دا این آراو لینا چاہندے نیں۔ شہبازشریف عمران خان نوں کسی قسم دااین آراو نہیں دین گے۔ترجمان پاکستان مسلم لیگ نون مریم اورنگزیب نے اپنے بیان وچ آکھیا اے کہ پارلیمانی تاریخ وچ پہلی واری قائد حزب اختلاف نوں بجٹ اتے تقریر کرن توں روکیا گیا۔پچھلے وزیراعلیٰ پنجاب نوں گل نہ کرن دینا لوکائی دی جیب خالی، بجٹ جعلی پھڑے جان دا خوف اے۔ جھوٹھی بجٹ تحریر دے دوران وزیراعظم عمران خان نے پرامن احتجاجی تے اپنی عورتاں توں حملہ کروایا۔ بجٹ دا رٹلزمافیا تے اے ٹی ایمز دی جیباں بھرن تے عوام دی جیب خالی کرن دا بجٹ اے۔ مریم اورنگزیب نے مزیدآکھیا کہ عمران خان نے جھوٹھا، جعلی تے لوکائی دشمن بجٹ پیش کیتا، ٹیکس نہیں لگے دا دعویٰ جھوٹھا تے ارباں دے ٹیکس بجٹ تقریر توں غائب کر دتے گئے، حکومتی بجٹ تقریر لوکائی دے نال دھوکہ اے۔ ایس لئی شہبازشریف نوں تقریر نہیں کرن دتی گئی۔





















