پارلیمنٹ اندر کل جو کجھ ہوئیا بوہت افسوسناک اے: مریم اورنگزیب

اسلام آباد( پنجابی میڈیا گروپ)مریم اورنگزیب نے آکھیا اے کہ پارلیمنٹ وچ کل جو کجھ ہوئیا بہت افسوسناک اے، حکومت نے اپوزیشن اُتے نہیں بلکہ پارلیمنٹ اُتے حملہ کیتا۔ترجمان پاکستان مسلم لیگ نون نے اپنے بیان وچ آکھیا اے کہ عمران خان نے اپنے دستخطاں نال آٹا،چینی،براڈ شیٹ تے رنگ روڈ اُتے ڈاکہ ماریا،عمران خان نے بعد وچ شور مچا کے کمیشن تے انکوائری دا حکم دتا، وزیرگالیاں دین،حملہ کرن تے شہبازشریف دی تقریر روکن لئی آئے سن، عمران خان نے کابینہ اجلاس وچ شہباز شریف تے اپوزیشن اُتے حملے دا حکم دتا۔مریم اورنگزیب دا کہنا سی کہ وزیراں تے کرائے دے ترجمان پارلیمان وچ شہباز شریف تے اپوزیشن اُتے حملہ کرن آئے سن، وزیراعظم نے کرائے دے ترجماناں دا اجلاس بلا کے شہباز شریف،اپوزیشن نوں گالی دین دا حکم دتا، عمران خان نے شہباز شریف دی تقریر عوام تک نہ پہنچن دا حکم دتا، حکومتی ارکاناں نے بے بس ہو کے گالی دتیاں کیونکہ شہباز شریف دی تقریر نہ رک سکی۔

اپنا تبصرہ گھلو