7 ممبران اسمبلی دی پارلیمنٹ ہائوس داخلے اُتے پابندی
اسلام آباد( پنجابی میڈیا گروپ)اسپیکر قومی اسمبلی نے پچھلے دناں قومی اسمبلی وچ ہون والی ہنگامہ آرائی اُتے ایکشن لیندیاں 7ممبران اسمبلی دی پارلیمنٹ ہائوس دے احاطے وچ داخلے اُتے پابندی عائد کردتی۔میڈیادے مطابق اسپیکر قومی اسمبلی اسد قیصر نے پچھلے دناں ایوان وچ شدید ہنگامی آرائی دا نوٹس لتا سی تے اوس دی مکمل تحقیقات دا اعلان کیتا سی۔اسپیکر قومی اسمبلی نے ایس حوالے نال اج اک اجلاس بلایا جس وچ پچھلے دناں دیاں فوٹواں ویکھیاں گیاںتیایوان وچ ہون والی ہنگامہ آرائی دے معاملے دا جائزہ لیا گیا۔اسپیکر قومی اسمبلی نے ایوان وچ نازیبا الفاظ استعمال کرن والے ممبران اُتے پارلیمنٹ ہائوس دے احاطے وچ داخلے اُتے پابندی لا دتی۔قومی اسمبلیدے جاری اعلامیے دے مطابق جناں اراکاناں اُتے پابندی لگائی گئی اے اوہناں وچ تحریک انصاف دے تین،(ن)لیگ دے تین تے پیپلزپارٹی دا اک رکن شامل اے۔اعلامیے دے مطابق اسپیکر نے پیپلز پارٹی دے آغا رفیع اللہ،(ن)لیگ دے شیخ روحیل اصغر،علی گوہر خان تے چوہدری حامد حمید اُتے جد کہ تحریک انصاف دے علی نواز اعوان،عبدالمجید خان تے فہیم خان اُتے پابندی لگائی گئی اے۔





















