سپریم کورٹ نے کرنل (ر) انعام الرحیم دی رہائی دا حکم معطل کر دتا

اسلام آباد: سپریم کورٹ نے کرنل (ر) انعام الرحیم دی رہائی دا لہور ہائی کورٹ دا حکم معطل کر دتا۔

سپریم کورٹ وچ کرنل (ر) انعام الرحیم دی رہائی دے خلاف وفاقی حکومت دی اپیل دی سماعت ہوئی۔

اٹارنی جنرل عدالت وچ پیش ہوئے تے دلائل دتے کرنل (ر) انعام عملی طور تے جاسوسی کردے رہے، اوہ کلیاں نہیں سگوں اوہناں داپورا نیٹ ورک اے، اوہناں نے آئی ایس آئی تے جوہری پروگرام سنے حساس معلومات افشا کیتیاں تے آفیشل سیکریٹ ایکٹ دی خلاف ورزی کیتی، اوہناں دے نیٹ ورک دے کئی لوک گرفتار ہو چکے نیں جہناں وچوں اک نوں پھانسی وی ہوئی جد کہ ہور لوک وی گرفتار ہون گے، دوران تحقیقات اوہناں نوں اہل خانہ نال ملاقات دی اجازت نہیں۔

سپریم کورٹ نے حکم دتا بادی النظر وچ انعام الرحیم دے خلاف مواد موجود اے، تحقیقات مکمل ہوندیاں ای انعام الرحیم نوں قنونی معاونت فراہم کیتی جاوے۔

انعام الرحیم دے وکیل طارق اسد نے دلائل لئی مہلت منگ لئی جہدے تے سپریم کورٹ نے اوہناں توں تحریری جواب طلب کردیاں سماعت اگلے ہفتے تک ملتوی کر دتی۔

50% LikesVS
50% Dislikes

اپنا تبصرہ گھلو