اثاثیاں دی تفصیلات جمع نہ کران والے 356اراکین دی رکنیت معطل کرن دا فیصلہ

اسلام آباد: الیکشن کمیشن دا اثاثیاں دی تفصیلات جمع نہ کران والے اراکین اسمبلی دے خلاف ایکشن، 356اراکین دی اسمبلی تے سینیٹ دی رکنیت معطل کرن دا فیصلہ کر لیا گیا۔

الیکشن کمیشن آف پاکستان ولوں آکھیا گیا اے اثاثیاں دی تفصیلات جمع کران لئی 31دسمبر دی ڈیڈ لائن دتی گئی سی پر ایہدے باوجود اراکین نے تفصیلات جمع نہیں کرائیاں۔

ای سی پی ولوں جاری تفصیلات وچ دسیا گیا اے 1195اراکین وچوں صرف 838اراکین نے اثاثیاں دی تفصیلات جمع کرائیاں جہڑے اراکین نے اثاثیاں دی تفصیل جمع نہیں کرائی اوہناں وچ قومی اسمبلی دے 98، پنجاب اسمبلی دے 122 تے سندھ اسمبلی دے 40اراکین شامل نیں۔ ایہدے علاوہ بلوچستان اسمبلی دے 22، خیبر پختونخوا اسمبلی دے 61تے سینیٹ دے 13اراکین نے اثاثیاں دی تفصیلات جمع نہیں کرائیاں۔