عورت اگر چھوٹے کپڑے پائے گی تے مرداں اُتے اثر تے پوئے گا نہ، وزیراعظم

اسلام آباد( پنجابی میڈیا گروپ)وزیراعظم عمران خان نے آکھیا اے کہ عورت اگر چھوٹے کپڑے پائے گی تو سوائے روبوٹ دے مرداں اُتے اثر تے پوئے گا۔
امریکی ٹی وی دے انٹرویو وچ افغانستان نال امریکی فوجی انخلا توں بعد دی صورتحال اُتے گل کر دئیاں ہوئیاں وزیراعظم عمران خان نے آکھیا کہ افغان تنازع دا کوئی فوجی حل نہیں،سیاسی حل دے بغیر افغانستان وچ خانہ جنگی دا خطرہ اے،سیاسی حل ایہ ہوسکدا اے کہ اک اتحادی حکومت تشکیل دتی جائے جس وچ طالبان تے دُوجے فریق شامل نیں۔
وزیراعظم نے آکھیا کہ پاکستان امریکا تے سی آئی اے نوں افغانستان وچ فوجی کارروائیاں لئی اپنی سرزمین تے فوجی اڈے نہیں دیوے گا،کیونکہ امریکا دی جنگ وچ سب توں ودھ پاکستان دا نقصان ہوئیا اے تے ساڈے70ہزار بندیاں دیاں جاناں گئیاں نیں،اسیں ایس جنگ توں ہور متحمل نہیں ہوسکدے،اسیں امن وچ شراکت دار ہواں گے لیکن تنازع وچ نہیں۔

اپنا تبصرہ گھلو