شہباز شریف اپنے کماں دی فہرست لے آن،پرویز خٹک ولوں مناظرے دا چیلنج
اسلام آباد( پنجابی میڈیا گروپ)پرویز خٹک نے اپوزیشن لیڈر نوں مناظرے دا چیلنج کردئیاں ہوئیاں آکھیا کہ شہباز شریف اپنے کماں دی فہرست لے آن،نون لیگ دی کارکردگی بہتر ہندی تے عوام پنجاب وچ مسترد نہ کردی،اپوزیشن مہنگائی مہنگائی کر کے صرف ڈرامہ کر رہی اے،اوہناں دی تے ساڈی کارکردگی وچ زمین آسمان دا فرق اے۔وفاقی وزیر دفاع پرویز خٹک نے قومی اسمبلی وچ آکھیا کہ حکومت سنبھالی تے ملک مشکلاں دا شکار سی،وزیراعظم عمران خان نے ملک نوں مشکلاں توں کڈیاا،الزام لگان والے اپنے گریبان وچ جھانک دے کیوں نہیں،آئی ٹی دی بدولت ساری دُنیا ترقی کر رہی اے،ماضی دیاں حکومتاں نے آئی ٹی اُتے توجہ نہیں دتی،ملک تعمیراتی کماں نال ترقی کردے نیں۔پرویز خٹک دا کہنا سی کہ امریکا،یورپ سنے پوری دنیا وچ مہنگائی اے،اپوزیشن دا ڈرامہ ہن نہیں چلے گا،اپوزیشن والے اتنا جھوٹ بولدے نیںتے سچ لگدا اے۔





















