کوروناپاروں موتاں دی تعداد 20000 توں ود ھ گئی

اسلام آباد(پنجابی میڈیا گروپ )ملک بھر پاروں کورونا وبا دے نال جاں بحق افراد دی تعداد 20000 توں تجاوز کرگئی ۔نیشنل کمانڈ اینڈ آپریشن سینٹر ولوںجاری اعداد و شمار دے مطابق ملک وچ کورونا دی وبا وچ بتدریج کمی آرہی اے، پچھلے روز ملک بھر وچ کورونا دی تشخیص لئی 34 ہزار 754 ٹیسٹ کیتے گئے جہناں وچوں 907 مثبت آئے ایس طرحاں ملک وچ کورونا مثبت کیسز دی شرح 2.60 فیصد رہی۔ملک وچ کورونا دے مصدقہ مریضاں دی تعداد 9 لکھ 49 ہزار 175 اے، پنجاب وچ 3 لکھ 45 ہزار 65 ، سندھ وچ 3 لکھ 32 ہزار254 ، خیبر پختونخوا وچ اک لکھ 37 ہزار 75 ، بلوچستان وچ 26 ہزار 633 ، اسلام آباد وچ 82 ہزار 368 ، آزاد کشمیر وچ 19 ہزار 967 تے گلگت بلتستان وچ ہن تیک 5 ہزار 813 افراد وچ کورونا دی تشخیص ہوئی اے۔پچھلے روز ملک بھر وچ کورونا مریض شفایا یاب ہوئے نیں،ایس طرحاں ملک وچ ایس وبا نوں شکست دین والیے مصدقہ مریضاں دی تعداد 8 لکھ 93 ہزار 148 ہوگئی اے، پنجاب وچ 3 لکھ 24 ہزار 768، سندھ وچ 3 لکھ 7 ہزار 298 ، خیبر پختونخوا وچ اک لکھ 30 ہزار 535، بلوچستان وچ 25 ہزار 579 ، اسلام آباد وچ 80 ہزار 463، آزاد کشمیر وچ 18 ہزار 936 تے گلگت بلتستان وچ 5 ہزار 569 کورونا مریض صحتیاب ہوئے نیں۔

اپنا تبصرہ گھلو