امن لئی دُنیا نال تعاون جاری رکھاں گے: شاہ محمود قریشی
اسلام آباد( پنجابی میڈیا گروپ ) وزیرخارجہ شاہ محمود قریشی نے آکھیااے کہ قیام امن لئی دنیا دے نال تعاون جاری رکھاں گے، افغان امن عمل نازک مرحلے وچ داخل ہوچکیااے، افغانستان وچ امن کئی ملکاں دی ترجیح اے، انتظامیہ سفارتی فورم وچ پاکستان اپنا نکتہ نظر پیش کرن دا موقع ملیا، افغانستان دی اعلیٰ سطحی مفاہمتی کونسل دے چیئرمین ڈاکٹر عبداللہ عبداللہ دے نال مفید نشست رہی، تے افغانستان دی اندرونی صورتحال دا اندازہ ہویا، جد کہ پاکستان نوں دوٹوک مؤقف پیش کرن دا موقع ملیا۔شاہ محمود قریشی دا آکھنا اے کہ اسیں واضح طور تے آکھ چکے آں کہ قیام امن لئی دنیا دے نال تعاون جاری رکھاں گے۔ اسیں امن دی کوششاں وچ پارٹنررہن گے تے افغانستان وچ قیام امن لئی اپنی کوششاں جاری رکھاںگے۔ پاکستان دے کردار نوں اج ساری دنیا مثبت نگاہ دے نال ویکھ رہی اے۔ وزیرخارجہ نے دسیا کہ فلسطین دے وزیرخارجہ دے نال مسئلہ فلسطین اتے تفصیلی وچار ہویا۔





















