امریکا نوں اڈے دین پاروں اَت گردی ہور ودھے گی:عمران خان

واشنگٹن(پنجابی میڈیا گروپ ) وزیر اعظم عمران خان نے آکھیا اے کہ اگر امریکا نوں افغانستان دے خلاف ہوائی اڈے دتے تے پاکستان وچ فیئر ات گردی ودھے گی ،امریکی ڈرون حملیاں دے نال جنگ تے نہیں جت پائے پر نفر ت پیدا کردتی۔ امریکی اخبار واشنگٹن پوسٹ وچ لکھے گئے مضمون وچ وزیر اعظم عمران خان نے آکھیا اے کہ افغانستان وچ جنگاں دے دوران پاکستان نے بوہت نقصان چکیا ۔ 70 ہزار توں زائد پاکستانی اپنی جاناں توں ہتھ دھو بیٹھے نیں۔ جدکہ پاکستان دی معیشت نوں 150 ارب ڈالرز دا نقصان پہنچ گیا، امریکہ دے نال جنگ وچ شامل ہون دے بعد پاکستان نوں ات گردی دا ساہمنا کرنا پیا۔ امریکی کوششاں وچ شامل ہون دے بعد پاکستان نوں اک ساتھی دی حیثیت دے نال نشانہ بنایا گیا۔ ،امریکی ڈرون حملیاں دے نال جنگ تے نہیں جت پائے پر نفر ت پیدا کردتی۔امریکہ نے افغان سرحد اتے قبائلی علاقیاں وچ فوج گلن لئی دبائو پایا۔ شمالی وزیرستان وچ دس لکھ افراد بے گھر ہوئے جہدے نال ارباں ڈالر دا نقصان پہنچیا۔ اسیں پہلاں ای بوہت بھاری مل ادا کر رہے آں۔ ہن مزید برداشت نہیں کر سکدے۔ وزیر اعظم نے لکھیا کہ افغان طالبان پورے ملک اتے فتح حاصل نہیں کرسکدے ،اسیں افغانستان دے کسی وی فوجی قبضے دی مخالفت کرنے آں۔عمران خان نے لکھے گئے مضمون وچ مزیدآکھیا اے کہ پاکستان افغانستان وچ امن لئی امریکا دا شرکت دار بنن نوں تیار اے۔ اسیں خانہ جنگی نہیں، مذاکرات دے نال امن چاہنے آں۔

اپنا تبصرہ گھلو