آزاد کشمیر الیکشن، رینجرز دی منظوری دے دتی گئی

آزاد کشمیر(پنجابی میڈیا گروپ) وزارت داخلہ نے آزاد کشمیر دی قنون ساز اسمبلی دے الیکشن دے دوران رینجر تعینات کرن دی منظوری دے دتی۔وزارت داخلہ ولوںجاری اعلامیے وچ آکھیا گیا اے کہ چیف الیکشن کمشنر آزاد کشمیر ولوں وفاقی وزیر داخلہ نوں خط لکھیا گیا جس وچ قنون ساز اسمبلی دے الیکشن دے دوران سکیورٹی لئی رینجرز تعینات کرن دی درخواست کیتی گئی۔وزارت داخلہ دے مطابق وزیر داخلہ شیخ رشید نے آزاد کشمیر الیکشناں دے دوران رینجر دی تعیناتی دی منظوری دے دتی۔وزارت داخلہ ولوں جاری بیان وچ آکھیا گیا کہ25جولائی توں آزاد کشمیر دی قنون ساز اسمبلی دے الیکشن وچ رینجر اہلکار سکیورٹی دے فرائض انجام دین گے۔

اپنا تبصرہ گھلو