روپیہ ہور کمزور ہون لگیا،ڈالر34پیسے مہنگا

لہور( پنجابی میڈیا گروپ)روپیہ ہور کمزور ہون لگیا،امریکی کرنسی دی ڈالر اک وار فیر34پیسے مہنگا ہو گیا۔سٹاک مارکیٹ وچ اُتار چڑھا توں بعد مندی ویکھی گئی۔سٹیٹ بینک آف پاکستان دی سماجی رابطے دی ویب سائٹ ٹویٹر اُتے جاری کردہ اعداد و شمار دے مطابق ایس ہفتے دے تیجے کاروباری دن دے دوران انٹر بینک وچ روپے دے مقابلے وچ امریکی ڈالر ہور34پیسے مہنگا ہو گیا تے قیمت158روپے19پیسے توں ودھ کے158روپے53پیسے ہو گئی۔دُوجے پاسے پاکستان سٹاک مارکیٹ وچ اک وار فیر اتار چڑھا توں بعد86.44پوائنٹ دی مندی ویکھی گئی جس پاروں100انڈیکس47ہزار900.70پوائنٹ دی سطح اُتے پہنچ کر بند ہوئیا۔پورے کاروباری دناں دے دوران کاروبار وچ0.18فیصد دی تنزلی ویکھی گئی جدکہ23کروڑ69لکھ36ہزار 482شیئرز دا لین دین ہوئیا۔

اپنا تبصرہ گھلو