فواد نے الیکشن کمیشن نوں دھمکان دی کوشش کیتی، احسن اقبال

اسلام آباد(پنجابی میڈیا گروپ )مسلم لیگ نون دے رہنما احسن اقبال داآکھنا اے کہ فواد نے الیکشن کمیشن نوں دھمکان دی کوشش کیتی، سرکار الیکشن کمیشن نوں نیب دی طرحاں دا ادارہ بنانا چاہندی اے۔ اوہناں نے قومی ادارے اک اک کرکے تباہ کردتے ۔احتساب عدالت دے بار میڈیا دے نال گل بات کردیاں ہویاں مسلم لیگ نون دے رہنما احسن اقبال نے آکھیاکہ اک سال وچ چار چار سیکرٹریز نوں تبدیل کیتا گیا، سانوں تے خطرہ اے کہ ایہہ کدرے پاکستانی ایٹمی پروگرام نوں گروی نہ رکھ دین۔اوہناں نے مزیدآکھیا اے کہ جہڑا بجٹ پیش کیتا گیا ایہدے وچ مہنگائی تے بیروزگاری دا حل نہیں اے۔ ایہہ سرکارملک نوں کنگال کر چکی اے۔ پی ٹی آئی دے اپنے اراکین آکھ رہے نیں ایس سرکار نے کرپشن کیتی۔ پچھلے وزیر داخلہ نے مزیدآکھیا اے کہ ایہہ سرکار اپوزیشن دے خلاف کیسز بنارہی اے۔ احسن اقبال نے مزیدآکھیا اے کہ احتساب عدالت دی کارروائی نوں ٹی وی اتے چلایا جاوے۔ اج فیر نارروال اسپورٹس سٹی دے جھوٹے مقدمہ وچ پیش ہویاواں۔

اپنا تبصرہ گھلو