بیادِ حضرت حفیظ تائبؒ۔۔۔17 ویں سالانہ محفلِ نعت

رپورٹ: علی قیصر شاہ

مجدد نعت حضرت حفیظ تائبؒ دی 17 ویں محفل نعت کنونشن دا انعقاد محترم مجید منہاس دی رہائش گاہ اُتے ہویا۔ جس وچ ملک دے معروف تے نامور ثنا خوان رسول نے رلت کیتی۔

تقریب دے مہمان خصوصی محترم حسین نذیر احمد سن جد کہ صدارت عبدالحمید منہاس ہوراں کیتی۔ نظامت دے فرائض صفدر علی محسن نے انجام دتے۔

تلاوت کلام پاک دی سعادت قاری وسیم اختر نے حاصل کیتی جد کہ صدارتی ایوارڈ یافتہ قاری سید صداقت رسول نے خصوصی طور اُتے شرکت فرمائی۔

جنہاں ثناء خوان رسول نے نعت پیش کرن دی سعادت حاصل کیتی اوہناں وچ الحاج غلام سرور نقشبندی، حافظ سہیل نذر، ارشد حسن نقشبندی، اختر قریشی، نور محمد جرال امریکہ شامل سن جد کہ معروف سماجی و ادبی شخصیات دی کثیر تعداد نے محفل وچ شرکت کیتی جنہاں وچ میاں اشفاق انجم، ریاض شیخ، میاں محمد اکرم، عظمت چوہدری ، ریاض مصطفیٰ، رضوان اصغربٹ، پیر اکرم بھولا، قاری محمد مالک، ذکر اللہ مجاہد، ممتاز ملک اور چیئر مین پنجابی میڈیا گروپ مدثر اقبال بٹ شامل نیں۔ کنونشن دے اختتام اُتے سہیل منہاس تے اویس منہاس ولوں خوبصورت عشائیہ دا اہتمام کیتا گیا۔