کورونا پاروں ہور23افراد جان توں گئے
اسلام آباد(پنجابی میڈیا گروپ ) ملک وچ کورونا دے نال متاثرہ افراد وچوں صحتیاب ہون والیاں دی تعداد 9 لکھ توں تجاوز کرگئی جد کہ فعال مریضاں دی تعداد ہن وی 32 ہزار 241 اے۔نیشنل کمانڈ اینڈ آپریشن سینٹر ولوں جاری اعداد و شماردے مطابق ملک بھر وچ پچھلے روز کورونا دے 44 ہزار 544 ٹیسٹ کیتے گئے جہناںوچوں 901 افراد وچ وائرس دی تصدیق ہوئی، ایس طرحاں ملک وچ پچھلے 24 گھنٹیاں دے دوران کورونا دے مثبت کیسز دی شرح 2.02 فیصد رہی۔ملک وچ ہن تیک 1لکھ 54 ہزار 743 افراد وچ کورونا وائرس دی تشخیص ہوئی اے جہناں و چوں 9 لکھ 291 افراد کورونا دے نال صحت یاب ہوچکے نیں۔کورونا وبا توں مزید 23 افراد انتقال کر گئے نیں جہدے بعد ایس وبا توں لقمہ اجل بنن والے مصدقہ مریضاں دی تعداد 22 ہزار211 ہوگئی اے۔پچھلے روز ملک بھروچ 2 لکھ 90 ہزار 577 افراد نوں ویکسین لگائی گئی، 2 لکھ 50 ہزار696 نوں پہلی جد کہ 39 ہزار 881 نوں دوجی خوراک دتی گئی۔





















