حمدخالق کائنات
عبدالحمید نظامی
شاناں والیا واہ سُبحان
توں والی توں نگہبان
توں ایں بادشاہاں دا شاہ
توں سُلطاناں دا سُلطان
کنج تیری توصیف کراں
کنج لِکھاں گا تیری شان
جگ تے چلدا پیا نظام
رب سائیاں تیری پہچان
مُنکر بھانویں نہ منے
اوس تے وی تیرے احسان
ساڈی سمجھوں سوچوں باہر
ست زمیناں ست اسمان
حاتم سخی زمانیاں دے
در تیرے جھولی پھیلان
لا مکانی عرشاں تے
عربی لاڑا سی مہمان
عقلاں والے ادوں دے
اَج تک ہندے پئے حیران
کسراں ہر شے ساکت رہی
نہیں سی وچ جہان دے جان
جتھے تیری حکمت اے
اوتھے ساڈا نہیں گمان
کون نظامیؔ اوس ورگا
جس تے راضی رب رحمان
