عدالتی پابندی توں بعد ٹک ٹاک ترجمان دا بیان جاری

سندھ( پنجابی میڈیا گروپ)سندھ ہائیکورٹ ولوں ملک بھر وچ ٹک ٹاک اُتے پابندی عائد کرن توں بعد ٹک ٹاک ترجمان دا بیان ساہمنے آگیا۔ترجمان ولوں آکھیا گیا کہ ٹک ٹاک دے کول ٹھوس پالیسیاں موجود نیں جد کہ مواد دی خلاف ورزی بارے ایکشن لین لئی ٹیکنالوجی اُتے نظرثانی دا عمل وی جاری اے۔ٹک ٹاک ترجمان دا کہنا سی کہ اسیں سب توں پہلاں عدالتی کیس تے سندھ ہائیکورٹ دے فیصلے توں واقف ہوئے تے ہن ا یس دے مضمرات اُتے غور کیتا جارہا اے۔خیال رہے کہ پچھلے دناں سندھ ہائیکورٹ نے ٹک ٹاک بند کرن بارے درخواست دی سماعت دے دوران ملک بھر وچ ٹک ٹاک اُتے پابندی عائد کردتی سی۔ایس توں پہلاں پشور ہائیکورٹ نے وی ٹک ٹاک اُتے پابندی عائد کردتی لیکن بعد وچ ایہ پابندی ہٹادتی سی۔

اپنا تبصرہ گھلو