قومی اسمبلی وچ فنانس بل2021-22ترمیماں نال منظور

اسلام آباد( پنجابی میڈیا گروپ)قومی اسمبلی وچ فنانس بل2021-22ترمیماں نالمنظور کر لیا گیا اے، تحریک دے حق وچ172 جدکہ مخالفت وچ138ووٹ آئے۔ وزیر خزانہ شوکت ترین دا کہنا سی کہ ملکی تریخ وچ پہلی وار غریب لئی اک روڈ میپ دتا، جیہڑا ہداف رکھے اوہناں نوں پورا کر کے وکھاواں گے،گلاں کرن والیاں وچوں نہیں،کوئی ان ڈائریکٹ ٹیکس نہیں لگایا گیا، آن والے دناں وچ تھلے والی سطح اُتے خوشحالی آئے گی۔قومی اسمبلی اجلاس وچ فنانس بل اُتے اظہار خیال کردئیاں ہوئیاں وزیر خزانہ شوکت ترین دا کہنا سی کہ ملکی تریخ وچ پہلی وار بجٹ وچ غریباں لئی روڈ میپ دتا گیا،اسیں عمل کرن والیاں وچوں آں،گلاں نہیں کردے،شیواں درآمد کرن نال مہنگائی وی امپورٹ ہندی اے،150ارب روپے زراعت اُتے لگا رہے نیں،ایہ کہہ رہے نیںاسیں زراعت اُتے پیسہ نہیں لگا رہے،پچھلی حکومت نے زراعت اُتے زرا توجہ نہیں دتی۔شوکت ترین دا کہنا سی کہ کورونا دی وجہ نال دُنیا دی معیشت وچ منفی گروتھ ہوئی،اسیں غربت وچ کمی کر کے وکھاواں گے،خوشحالی آئے گی، ماضی دیاں حکومتاں دیاں غلط پالیسیاں دے پاروں آئی ایم ایف دے پاس جانا پڑا، تُسی سیاست نہ کرو،میرٹ اُتے گل کرو،

اپنا تبصرہ گھلو