پی ایس ایل6دا تاج ملتان سلطانز دے سر اُتے سج گیا
لہور( پنجابی میڈیا گروپ)پی ایس ایل6 دا میلہ اپنی پوری آب وتاب نال ختم ہو گیا۔ جیتھے کجھ ٹیماں لئی ایہ سال ریکارڈ ساز رہیا اوتھے ہی کجھ لئی مایوس کن۔ایس سال دو حصیاں وچ بٹے پی ایس ایل تے ایس وچ شامل ٹیماں نے کئی نشیب و فراز ویکھے۔ کورونا وائرس تے ایس او پیز دے سائے تھلے ٹورنامنٹ شروع ہوا،کجھ ٹیماں نے ہور اُتے سبقت لئی تے فیر کجھ ناسازگار تے ناخوشگوار حالا ت پاروں ایس نوں ملتوی کرنا پئیا۔ اک وقفے توں بعد دھڑکتے دل نال دیار غیر وچ سلسلہ اوتھوں ہی جوڑیا جیتھوں بند ہوئیا سی تے نال نال کجھ ٹیماں دی قسمت نے ایسا پلٹا کھادا کہ ویکھن والے ویکھد ے ہی رہ گئے۔
پی ایس ایل دے پہلے حصے وچ لہور قلندرز دی واہ واہ جاری سی،ملتان دی حالت دگر سی لیکن دُوجے مرحلے وچ گویا ملتان نے اُمید توں ودھ کے کارکردگی وکھائی تے لہور نوں کسی دی نظر لگ گئی۔لہور دا اوہ کامبینیشن جیہڑا پاکستانی بالاں اُتے کسی نوں نیڑے وی آن نہیں دے رہیا سی، ابو ظہبی وچ چل کے ہی نہ دتا۔





















