مینوں نہیں سی پتہ کی میری تقریر پاروں بلاول پریشان ہون جان گے: شاہ محمود قریشی
اسلام آباد(پنجابی میڈیا گروپ)وزیرِ خارجہ شاہ محمود قریشی داآکھنا اے کہ مینوں معلوم نہیں سی میری تقریر دے نال بلاول اتنا پریشان ہو جان گے۔پیپلزپارٹی دے قائد نے آکھیا کہ ایہہ مینوں بچپن تو ںجاندے نیں۔ میں ایہناں نوں اودھوں تے جاندا واں جدوں ایہہ جھڑکاں کھاندے سن۔ قومی اسمبلی وچ شاہ محمود قریشی نے بلاول بھٹو زرداری نوں ہدفِ تنقید بناندیاں ہویاں آکھیا میں ایہناں نوں وی جاندا واں ایہناں دے بابا نوں وی جانندا واں۔ بچے نوں لکھی ہووئی پرچی پھڑادیندے نیں۔ بچہ آٹو تے اسٹارٹ ہوجاندا ے۔ ہنی کجھ ویلا لگے گا ،بچے، بچہ ہنی طفل مکتب اے، ہنی بوہت ویلا لگے گا۔ ایس موقع اتے ایوان وچ لوٹا لوٹا دے نعرے گونجنے لگے۔ وزیرخارجہ شاہ محمود قریشی آکھیا ا ے کہ ایہہ تے طفل مکتب نیں ہنی، ایہہ گیلانی دی گل کردے نیں۔ گٹھو ں گٹھ گیلانی نوں مک مکا کا اپوزیشن لیڈر تے نہ بنایا ہوندا۔ گیلانی تے سرکاری ووٹاں توں مک مکا کرکے اپوزیشن لیڈر بنے نیں۔ بلاول کیہ گل کررہے نیں گیلانی نوں حکومتی ووٹاں توں اپوزیشن لیڈربنایا گیا۔ بلاول گریبان وچ جھانک کے ویکھو ،اصلیت نظر آجاوے گی، بچہ پریشان ہوگیا، بچہ بوہت پریشان اے، میں بچے دی پریشانی وچ مزید اضافہ نہیں کردا۔شاہ محمود قریشی ہوراں نے آکھیا اے کہ عمران خان نوں تقریر کرن دیندے تے اج ایہہ نووبت نہ آئوندی، اگرعمران خان نہیں بولن گے تے بلاول تے شہبازشریف وی نہیں بولن گے۔ ایہہ کیہ گل ہوئی، بولدے نیں تے سندے نیں ،سناندے نیں تے سندے نیں اوہ، میٹھا میٹھاہپ ہپ ،کروڑا کڑاتھوتھو نہیں چلے گا۔ وزیرِ خارجہ نے آکھیا اکہ اج تن چار اہم شخصیات نے اپنی رائے دا اظہار کیتا، ووٹ نوں عزت ملے گی تے دوواں طرفوں ، یک طرفہ نہیں، اسعد محمود آکھ رہے سن کہ لوکائی بجٹ توں مطمئن نہیں، میں اختلاف کرناں واں ۔ 172 عوامی نمائندیاں نے بجٹ نوں سپورٹ کیتا۔





















