غیر قنونی گیس سلنڈر دکاناں دے خلاف کریک ڈائون کرن دا مطالبہ

لہور(پنجابی میڈیا گروپ)مسلم لیگ(ن)دی رکن حناپرویز بٹ نے غیر قنونی گیس سلنڈر دکاناں دے خلاف کریک ڈائون کرن دے مطالبے دی قرارداد پنجاب اسمبلی وچ جمع کرادتی۔

صوبائی دارالحکومت سنے صوبے وچ غیر قنونی گیس سلنڈر دیاں دکاناں کھلیاں نیں۔شہر وچ6ہزار گیس سلنڈراں دیاں دکاناں دا انکشاف ہوئیا اے،صرف5سو پچاس ڈسٹری بیوٹرز تربیت یافتہ نیں۔

لہور ورگے میٹروپولیٹن سٹی وچ جگہ جگہ غیر قنونی گیس سلنڈر دیاں دکاناں قائم نیں۔گیس سلنڈر دیاں دکاناں وچ سلنڈر دھماکیاں دے کئی واقعات ہو چکے نیں۔کجھ دناںپہلے لہور وچ برکت مارکیٹ وچ گیس سلنڈر دیاں دکاناں اُتے دھماکہ ہوئیا۔لہذا ایہ ایوان مطالبہ کردا اے کہ غیر قنونی گیس سلنڈر دیاں دکاناں دے خلاف فوری کریک ڈائون کیتا جائے۔بغیر لائسنس گیس سلنڈرویچن والیاںدیاں دکاناں سیل کیتیاں جان۔

اپنا تبصرہ گھلو