پی ٹی آئی دی کرپشن پاروں بجلی گیس دی لوڈشیڈنگ فیر شروع ہوگئی، شہباز شریف

لہور: پاکستان مسلم لیگ (ن) دے صدر شہبازشریف دا کہنا اے کہ نوازشریف دی قیادت وچ (ن) لیگ نے لوڈ شیڈنگ دے خاتمے دی 5 سال مسلسل محنت کیتی سی لیکن پی ٹی آئی دی بدانتظامی تے کرپشن پاروں ملک وچ بجلی گیس دی لوڈشیڈنگ فیر شروع ہوگئی اے۔

پاکستان مسلم لیگ (ن) دے صدر تے قائد حزب اختلاف شہبازشریف دا کہنا اے کہ لوڈ شیڈنگ دا عفریت 5 سال بعد فیر پاکستان وچ مُڑ آیا اے، پاکستان دی لوکائی نوں شدید مشکلات تے مصائب دا سامنا کرنا پے رہیا اے، نوازشریف دی قیادت وچ پاکستان مسلم لیگ (ن) نے لوڈ شیڈنگ دے خاتمے دی 5 سال مسلسل محنت کیتی سی لیکن پی ٹی آئی حکومت دی 3 سال دی بدانتظامی تے کرپشن توں ملک وچ بجلی تے گیس دی لوڈشیڈنگ فیر شروع ہوگئی اے، ایہ پی ٹی آئی حکومت دی بدترین کارکردگی تے نااہلی دا منہ بولدا ثبوت اے۔

شہباز شریف نے آکھیا کہ پی ٹی آئی نے پاکستان مسلم لیگ (ن) دے خلاف جھوٹ بولیا کہ بہت زیادہ پاور پلانٹس لائے گئے، اتنی شدید لوڈشیڈنگ توں پی ٹی آئی دے ایہ دعوے جھوٹ ثابت ہوگئے نیں، پی ٹی آئی خود سورج، ہویا تے گیس توں چلن والے پلانٹس دی تنصیب دے دعوے کررہی اے لہذا ضرورت توں زائد بجلی بنان دے الزامات جھوٹ ثابت ہوجاندے نیں، پی ٹی آئی دے مسلم لیگ (ن) تے مہنگے پلانٹ لان دے دعوے وی جھوٹ تے بے بنیادثابت ہوئے۔

اپنا تبصرہ گھلو