بھارت نوں جوناگڑھ تے کشمیر دا قبضہ چھڈنا پئے گا: نواب محمد جہانگیر خانجی
اسلام آباد( پنجابی میڈیا گروپ)نواب آف جوناگڑھ نواب محمد جہانگیر خانجی ہوراںآکھیا کہ بھارت نوں جوناگڑھ تیکشمیر دا قبضہ چھڈنا پئے گا، وقت آ گیا اے کہ اقوام متحدہ دی قرارداداں اُتے عمل کرایا جائے۔مودی سرکار نے مقبوضہ کشمیر وچ ظلم دی انتہا کر دتی،جوناگڑھ دی ریاست دے وسائل اُتے قبضہ کیتا جارہیا اے،نواب آف جونا گڑھ نے انسانی حقوق تنظیماں نوں اپنا کردار ادا کرن دا مطالبہ کردتا۔محمد جہانگیر خان جی نے میڈیا نال گل بات کر دئیاں آکھیا کہ وزیر اعظم عمران خان نے مسئلہ کشمیر دُنیا دے ہر فورم اُتے چُکیا،اوہناں نے جونا گڑھ دا مسئلہ وچ عالمی سطح اُتے چُکن دی اپیل کیتی۔نواب آف جونا گڑھ دا کہنا اے کہ1948وچ بھارت دے غاصبانہ قبضے دیخلاف اقوام متحدہ وچ گئے،ہن وقت آگیا ایکہ پاکستان دے نال الحاق اُتے عمل کرایا جائے۔نواب آف جونا گڑھ دا کہنا سی کہ بھارت دے مسلمان وی مودی سرکار دے ظلم دے خلاف اٹھ کھڑے ہوئے نیں،ہن اوہناں دیاں آوازاں نوں زبردستی دبایا نہیں جاسکدا۔





















