کراچی:میٹرک دے سالانہ امتحان ریاضی دا پرچہ آئوٹ
کراچی( پنجابی میڈیا گروپ)کراچی وچ میٹرک امتحان جاری نیں،10ویں جماعت دے سائنس گروپ دا دُوجا تےآخری پرچہ وی آئوٹ ہوگیا۔
میٹرک بورڈ نقل مافیا نوں لگام دین وچ نکام ہوگیا۔چیئر مین میٹرک بورڈ دے دعوے دھرے دے دھرے رہ گئے۔دسویں جماعت سائنس گروپ دے اختیاری مضمون ریاضی دا پرچہ اج ہوئیا۔شیڈول دے مطابق پرچہ ساڑھے نو وجے سی لیکن پندرہ منٹ پہلاں ہی آوٹ ہوگیا،لیکن میٹرک بورڈ پرچہ وقت اُتے شروع کران وچ کامیاب ہوگیا۔
ایس حوالے نال پہلے پیپر وچ کوتاہی کرن والے38سی سی اوز نوں معطل کیتا گیا سی۔چیئرمین میٹرک بورڈ دا کہنا سی کہ نقل دے معاملے اُتے وی کارروائی جاری اے،ثابت ہوئیا تے ذمہ داراں دے خلاف کارروائی ہوئے گی۔
Load/Hide Comments





















