عظیم اداکار دلیپ کمار 98برس دی عمر وچ دُنیا توں چلانا کرگئے
ممبئی(پنجابی میڈیا گروپ )برصغیر دے عظیم اداکار دلیپ کمار 98برس دی عمر وچ انتقال کرگئے ،دلیپ کمار دے اہلخانہ دے ولوں ایہناں دے ٹوئٹر اکائونٹ اتے اداکار دے انتقال دی تصدیق کیتی گئی اے۔ بھارتی میڈیا دے مطابق 98 سالہ دلیپ کمار نوں پچھلے دناںساہ لین وچ دشواری دی وجہ توں ممبئی دے نجی ہسپتال منتقل کیتا گیا سی جتھے اوہ انتقال کرگئے نیں۔دلیپ کمار دے ڈاکٹر جلیل پالکر دے مطابق اداکار نے بدھ نوں اپنی آخری ساواں بھارتی ویلے دے مطابق صبح 7 وج کے 30 منٹ اتے لیاں۔دلیپ کمار دے ٹوئٹر اکاؤنٹ اتے ایہہ اطلاع دتی گئی اے کہ ایہناں دی تدفین ممبئی دے مقامی قبرستان وچ کیتی جاوے گی۔ شہنشاہ جذبات دا لقب پان والے دلیپ کمارنوں انڈین فلم دا سبھ توں وڈا اعزاز دادا صاحب پھالکے ایوارڈ دے نال وی نوازیا گیا۔
Load/Hide Comments





















