صدر، وزیراعظم سنے پاکستانی سیاسی قیادت دا دلیپ کمار دے انتقال اُتے اظہارِ افسوس

اسلام آباد (پنجابی میڈیا گروپ ) صدرمملکت ڈاکٹرعارف علوی ، وزیرا عظم عمران خان ،سپیکر قومی اسمبلی ،اپوزیشن لیڈر ، وزیر داخلہ ،پچھلے صدر آصف علی زرداری سنے دیگر سیاسی ،شوبز تے کرکٹ دے نال وابستہ اہم شخصیات نے برصغیر دے عظیم اداکار دلیپ کمار دے انتقال اتے اظہار افسوس کردیاں ہویاں آکھیا اے کہ دلیپ کمار عاجز، پروقار تے چنگی شخصیت دے مالک سن۔ غم د ی ایس گھڑی وچ دلیپ کمارخاندان دے نال آں۔ وزیراعظم نے آکھیا اے کہ دلیپ کمار (یوسف خان )چنگی شخصیت دے مالک اداکار سن ،قائد حزب اختلاف شہباز شریف نے وی دلیپ کمار دی وفات اتے اظہار افسوس کردیاں ہویاں آکھیا اے کہ دلیپ کمار دا فنی سفر فلمی دنیا دا یادگار ترین دور اے۔ پاک بھارت چنگے تعلقات لئی دلیپ کمار دی کوششاں ایہناں دی امن پسندی دا مظہر سن۔دلیپ کمارنے فلماں وچ ناقابل فراموش کردار نبھائے نیں۔ ایہناں نوں جتنی شہرت ملی کسی ہورنوں نہ مل سکی۔ پچھلے صدر آصف علی زرداری نے وی دلیپ کمار دے انتقال اتے اظہار افسوس کردیاں ہویاں آکھیا دلیپ کمار مدتاں تیک مداحاں دے دلاں وچ زندہ رہین گے۔ ۔وزیر داخلہ شیخ رشید احمد نے آکھیا دلیپ کمار اک عہد ساز فنکار سن، ایہناں دا متبادل ممکن نہیں میں اپنی ملاقاتاں وچ یوسف خان نوں اک سحر انگیزشخصیت پایا اللہ تعالی یوسف خان دے درجات بلند کرے۔ وفاقی وزیراطلاعات فوادچودھری نے اظہار افسوس کردیاں ہویاں آکھیا اے کہ اپنی صلاحیتاں دے نال برصغیردنیا دے لکھاں لوکائی دے دل جت گئے۔

اپنا تبصرہ گھلو