سی پیک فیز ون وچ 1200 نوکریاں آ چکیا ں نیں ، عاصم سلیم باجوہ

اسلام آباد(پنجابی میڈیا گروپ) چیئرمین سی پی اتھارٹی عاصم سلیم باجوہ نے آکھیا اے کہ سی پیک فیز ون وچ 1200 نوکریاں آ چکیا ں نیں ، میں سی پیک دے ہر منصوبے دی نگرانی کر رہیا واں تے آپریشنل ایشوز اتے وی ساڈی نظر اے،اک بیان وچ چیئرمین سی پیک اتھارٹی داآکھنا سی کہ چینی سرمایہ کاراں دا سی پیک منصوبیاں وچ اعتماد گٹھ نہیں ہویا اے تے نہ ای سی پیک اتے کم رکیا یا سست روی دا شکار ہویا اے۔ عاصم سلیم باجوہ نے آکھیا اے کہ سی پیک فیز ون وچ 1200 نوکریاں آچکیاں نیں ۔ کورونا سی پیک لئی وڈا امتحان سی جہدے وچ کامیابی دے نال نکل گئے۔ گوادرپورٹ دا قومی تے مقامی معیشت اتے وڈااثر اے۔اوہناں نے مزیدآکھیا ے کہ بلوچستان دے مغربی روٹس دے علاقیاں وچ روزگار دے مسائل نیں۔ سی پیک منصوبیاں دی سکیورٹی چنگی اے تے کوئی منصوبہ رکیا نہیں۔ چیئرمین سی پیک اتھارٹی نے آکھیا اے کہ اکثر مسائل سرحد پار توں نیں۔ جدکہ ایران، افغانستان سرحد 60 فیصد سیل کر دتا گیا اے۔

اپنا تبصرہ گھلو