صرف ٹویٹ کرن نال عمران خان دی نکامیاں لُک نہیں سکدیاں: شہباز شریف

لندن: مسلم لیگ (ن) دے صدر شہباز شریف آکھیا اے ٹویٹ کرن نال عمران نیازی دی قومی مفادات دی نگہبانی وچ نکامی لُک نہیں سکدی۔

مقبوضہ جموں و کشمیر تے سلامتی کونسل دا اجلاس بلان تے چین دا شکریہ کردیاں ہوئیاں مسلم لیگ (ن) سے صدر تے قائد حزب اختلاف شہباز شریف دا کہنا سی چین دی قیادت نوں خراج تحسین پیش کرنے آں کہ اوہناں نے مقبوضہ جموں و کشمیر دے عوام دے حقوق لئی عملی کردار ادا کیتا۔

شہباز شریف آکھیا سلامتی کونسل مقبوضہ جموں و کشمیر دے عوام دے خودارادیت دے ناقابل تنسیخ حق دے وعدے نوں پورا کرے، 162دن توں ودھ عرصہ توں مسلسل کرفیو ختم کران لئی بھارتی درندگی دے خلاف عملی اقدام کیتا جاوے، سلامتی کونسل دے اجلاس نے جموں و کشمیر وچ حالات معمول تے ہون دا بھاری پروپیگنڈا دفن کر دتا، مقبوضہ کشمیر دا مسلمہ متنازعہ اے بھارت دا اندرونی معاملہ نہیں، ایہ سچائی بھارتی جھوٹھ توں لُک نہیں سکدی، کشمیر دے بہادر عوام نے تحریک آزادی کشمیر دے چراغ دی لو گھٹ نہیں ہون دتی، آزاد ی مقبوضہ کشمیر دے عوام تے شکست بھارت دا مقدر اے۔