6 مہنیاں دے اندر4 لکھ الیکٹرانک ووٹنگ مشیناں بنائیاں جان گیاں، شبلی فراز
اسلام آباد(پنجابی میڈیا گروپ ) وفاقی وزیر برائے سائنس و ٹیکنالوجی شبلی فراز نے آکھیا اے کہ چنا نوں منصفانہ تے شفاف بنان لئی آئندہ 6 ماہ وچ 4 لکھ ‘الیکٹرانک ووٹنگ مشین’ بنائیاں جان گئیاں۔ شبلی فراز نے وزیراعظم عمران خان دی خواہش دا اظہار کردیاں ہویاں آکھیا اے کہ مقامی ٹیکنالوجی دے استعمال دے نال نیشنل سائنس تے ٹیکنالوجی، نوںمسٹس تے نیشنل انسٹی ٹیوٹ آف انجینئرنگ درآمد شدہ آلات دی آدھی قیمت اتے ای وی ایم تیار کررہیاں نیں تاکہ انتخابی عمل دے تنازع نوں ختم کیتا جا سکے۔وفاقی وزیر نے مزیدآکھیا اے کہ اراکین قومی اسمبلی تے الیکشن کمیشن آف پاکستان دے اعتماد ،ایہدے فوائد وغیرہ توں متعلق آگاہی لئی عید الاضحی دے بعد ای وی ایم نوں فعال کراں گے۔وفاقی وزیر شبلی فراز نے مزیدآکھیا کہ ‘خیال ایہہ اے کہ اہل افراد نوں پارلیمنٹ دے ممبر دے طور تے منتخب کیتا جاناچاہیدا اے۔ جدید ٹیکنالوجی دے استعمال دے نال پورا ملک فائدہ چکے گا۔





















