مولانا فضل الرحمان نے اک واری فیر حکومت مخالف تحریک چلان دا اعلان کر دتا

اسلام آباد: جمعیت علمائے اسلام (ف) دے سربراہ مولانا فضل الرحمان نے حکومت دے خلاف اک ہور تحریک شروع کرن دا اعلان کردیاں آکھیا اے اسٹیبلشمنٹ نال کوئی محاذ آرائی نہیں، عوامی قوت نال حکومت نوں گھر گھلاں گے۔

مولانا فضل الرحمان دا جے یو آئی پنجاب دے اجلاس توں پہلاں میڈیا نال گل کردیاں اک واری فیر حکومت مخالف تحریک دا اشارہ دیندیاں آکھیا موجودہ نااہل حکومت توں عوام تنگ، خودکشیاں تے بچے ویچن تے مجبور نیں۔

ہن تے خود ادارے وی بول پئے نیں معاشی حالات دو توں تن ورھے تک بہتر نہیں ہون گے۔ اوہناں آکھیا اپوزیشن دے تعاون نال ہن اوہ وی حکومت دا حصہ لگدی اے۔

منتشر اپوزیشن خود حکومت دے فائدے وچ اے، ایس لئی ساڈی ذمہ داری ہور ودھ چکی اے۔ امیر جے یو آئی دا کہنا سی اسٹیبلشمنٹ نال کوئی محاذ آرائی نہیں، سیاست وچ مداخلت دے مخالف آں۔

عوامی قوت نال نااہل حکومت نوں چلدا کرن گے، عوام سڑکاں تے آن۔ اوہناں دا ہور کہنا سی مدارس اصلاحات دا لفظ ای توہین آمیز، اتحاد تنظیمات المدارس دے نال مفصل گل بات تے بہت سارے ایشوز نال ایشوز تے اتفاق رائے ہویا اے۔ مدارس دے خلاف پروپیگنڈا ختم کیتا جاوے، ویلا دسے گا مدارس تے مذہبی طبقے نوں کیہنے استعمال کیتا۔

50% LikesVS
50% Dislikes

اپنا تبصرہ گھلو