غزل
عاشق
بھاویں اوہنے کدی وی مینوں پیار نہیں کیتا
پیار میرے نوں مندا اے انکار نہیں کیتا
اٹاں‘ گالھاں‘ دھکے کھادے سولی چڑھ گئے
کہڑا کم اے جہڑا میں سرکار نہیں کیتا
کسے نوں کدی وی میں تے اپنے دکھ نہ دسے
تیرے اُتے مر گئے آں اقرار نہیں کیتا
سانوں تے قدرت نے ترت سزاواں دتیاں
سانوں معاف نہیں کردی کدی ادھار نہیں کیتا
ساڈی رت نے اوہنوں حسن جوانی بخشی
وکھری گل اے اساں کدی اظہار نہیں کیتا
میں تے ہر دم نام تیرے دی تسبیح پھیراں
ایہدے باجھوں ہور کوئی ذکر اذکار نہیں کیتا
مینوں سنج اجاڑاں عاشق چنگیاں لگیاں
میں تے آپ قبول ایہ باغ بہار نہیں کیتا
