کورونا دی چوتھی لہر پھیلن دے واضح آثار ساہمنے آرہے نیں: اسد عمر

اسلام آباد(پنجابی میڈیا گروپ)سربراہ این سی اوسی اسد عمر نے خبردارکیتا اے کہ پاکستان وچ بھارتی کرونا ویرینٹ دے ودھن دا خدشہ اے۔ چوتھی لہر دے آغاز دے واضح ابتدائی آثار وی موجود نیں۔ ایس او پیز اتے ناقص عملداری چوتھی لہر دے پھیلن دا باعث بن رہی اے۔ وفاقی وزیر منصوبہ بندی اسد عمر نے آکھیا اے کہ شادی ہالاں،ریسٹورنٹ تے جم وچ ویکسی نیٹڈشرط نظراندازکیتی جارہی اے، مالکان نے ذمہ داری دامظاہرہ نہ کیتا تے ایہناں سہولتاں نوں بند کرنا پے گا۔ کرونا دی چوتھی لہر پھیلن دے واضح آثار ساہمنے آرہے نیں۔ مختلف اقسام دا پھیلائو خصوصاً بھارتی اقسام دا وائرس وی اہم وجہ اے۔ اوہناں نے آکھیا اے کہ 2ہفتے پہلاں ٹویٹ کیتا سی ساڈی آرٹیفیشل انٹیلی جنس ملک وچ کورونادی چوتھی لہردے امکانات ظاہرکررہی اے۔ملک بھر روچ پچھلے چوبیس گھنٹے دے دوران مزید 25افراد جانوں چلے گئے نیں۔ مجموعی اموات دی تعداد 22 ہزار 520 ہو گئی اے، مثبت کیسزدی شرح 3 اعشاریہ پنج چھ فیصد رہی۔

اپنا تبصرہ گھلو