سرکار پہلے توں ودھ مضبوط ہو چکے نیں:عثمان بزدار

لہور(پنجابی میڈیا گروپ)وزیراعلی پنجاب عثمان بزدار آکھدے نیں کہ پی ڈی ایم دا شیرازہ بکھر چکیا۔ سرکار گران لئی بنن والا اپوزیشن اتحاد اپنے ای بوجھ نال خود ڈگ گیا۔جاری اک بیان وچ وزیراعلیٰ عثمان بزدارداآکھنا سی کہ چند ماہ لئی بنن والے اپوزیشن اتحاد ملکی تاریخ دانکام ترین تے نالائق ترین اتحاد ثابت ہویا۔ پی ڈی ایم وچ شامل اپوزیشن جماعتاں سرکار گران دادعویٰ کردیاں سن۔ پر سرکار پہلاں توں زیادہ مضبوط اے جدکہ پی ڈی ایم والے آپس وچ ای دست وگریبان نیں۔وزیراعلی پنجاب نے مزید آکھیا کہ پی ڈی ایم دے مردہ جسم وچ جان پان دی کوئی کوشش کامیاب نہیں ہو سکدی۔ رد شدہ عناصر دے بہروپ لوکائی ویکھ چکے نیں۔

اپنا تبصرہ گھلو