عمران خان دی کارکردگی جھوٹ، بدزبانی تے بد اخلاقی اے،مریم اورنگزیب

اسلام آباد(پنجابی میڈیا گروپ )مسلم لیگ (ن) دی ترجمان مریم اورنگزیب نے آکھیا کہ 3 سال وچ عمران خان دی کارکردگی جھوٹھ، بدزبانی تے بد اخلاقی اے،اپنے بیان وچ مریم اورنگزیب داآکھنا سی کہ عمران خان دی کارکردگی نوازشریف تے شہبازشریف دے مصنوبیاں اتے نئی تختیاں لگانا تے پرانی اکھاڑنا اے۔ عمران خان دی کارکردگی نوازشریف کڈنی اسپتال دا ناں بدلنا اے۔ سوات وچ گردیاں دے علاج دا اسپتال سرکاری وسائل دے نال تعمیر نہیں ہویا سی، ایس اسپتال دی تعمیر نجی عطیات دے ذریعے ہوئی سی، کاروباری افراد، مخیرحضرات، شخصیات، شہریاں تے سرکاری ملازمین نے انفرادی حیثیت وچ فنڈز دتے سن۔ بدترین سیلاب دے بعد 2010 وچ ایہہ اسپتال تعمیر کرن دا فیصلہ ہویا سی.ایہہ اک ٹرسٹ اسپتال اے۔ اسپتال دی تعمیر وچ کوششاں اتے نوازشریف دے ناں اتے ایس اسپتال دا ناں رکھیا گیا سی۔ مریم اورنگزیب نے مزیدآکھیا کہ چھوٹی گھٹیا ذہنیت لوکائی دی خدمت وچ نکامی اتے گٹھ ظرف حرکتاں کردیاںنیں۔ الزامات دا بیانیہ عدالتاں وچ تباہ ہو گیا۔

اپنا تبصرہ گھلو