چیف الیکشن کمشنر تے ارکان دی تقرری، پارلیمانی کمیٹی دا اجلاس فیر بے نتیجہ ختم


اسلام آباد: چیف الیکشن کمشنر تے ارکان دی تقرری تے پارلیمانی کمیٹی دا اجلاس اک واری فیر بے نتیجہ ختم ہو گیا۔ شیریں مزاری دی زیر صدارت پارلیمانی پارٹی دے اجلاس وچ سرکار نے چیف الیکشن کمشنر لئی نویں ناں پیش کرنے سن پر انج نہ ہو سکیا۔

اجلاس وچ پنجاب تے سندھ توں الیکشن کمیشن ارکان دی تعیناتی لئی ناواں تے وی کوئی پیشرفت نہ ہوئی۔ میڈیا نال گل کردیاں حکومتی رکن اعظم سواتی نے آکھیا کوشش ہووے گی ناں شام تک اپوزیشن نوں گھل دتے جان، بلوچستان یاں سندھ وچوں اک ناں سرکار تے اک اپوزیشن توں ہون تے اتفاق رائے پیدا کر رہے آں۔

ایس موقع تے نون لیگی رہنما سینیٹر مشاہد اللہ خان آکھیا آس اے ہائی کورٹ ولوں دتا گیا ویلا ختم ہون توں پہلاں اتفاق رائے ہو جاوے گا۔ پارلیمانی کمیٹی دا آئندہ اجلاس ہن پیر نوں ہووے گا جہدے وچ چیف الیکشن کمشنر تے ممبراں دے ناواں تے غور کیتا جاوے گا۔

50% LikesVS
50% Dislikes

اپنا تبصرہ گھلو