حکومتی بانڈز، پہلی واری اک ای دیہاڑ وچ53کروڑ 61لکھ ڈالر دی سرمایہ کاری

کراچی: بیرونی سرمایہ کاراں دا پاکستان دی معیشت تے اعتماد ودھن لگا۔ حکومتی طویل تے قلیل مدتی بانڈز وچ سرمایہ کاری ریکارڈ سطح نوں چھون لگی۔

صرف اک دیہاڑ دے دوران حکومتی بانڈز وچ 53کروڑ 61لکھ ڈالر (تقریباً 80ارب روپے ) دی سرمایہ کاری کیتی گئی۔

سٹیٹ بینک دا کہنا اے ملکی تریخ وچ پہلی واری حکومتی بانڈز وچ اک ای دیہاڑ ریکارڈ سرمایہ کاری کیتی گئی، حکومتی بانڈز وچ 16 جنوری نوں 53کروڑ 61لکھ ڈالر (تقریباً80ارب روپے) دی سرمایہ کاری کیتی گئی۔ سٹیٹ بینک دے مطابق برطانیہ توں اک دیہاڑ وچ45کروڑ 65لکھ ڈالر دی سرمایہ کاری کیتی گئی، امریکا نال اک دیہاڑ وچ 7کروڑ 97لکھ ڈالر دی سرمایہ کاری آئی۔

سٹیٹ بینک دا ہور کہنا اے یکم جولائی توں 16جنوری تک حکومتی بانڈز وچ کل سرمایہ کاری 2ارب ڈالر توں تجاویز کر گئی اے۔ جولائی توں ہن تک 2ارب 23کروڑ ڈالر دی سرمایہ کاری ریکارڈ کیتی گئی۔

50% LikesVS
50% Dislikes

اپنا تبصرہ گھلو