آٹے دا بحران: لیگی رکن عظمیٰ بخاری ولوں پنجاب اسمبلی وچ قرارداد جمع

لہور: آٹے دے بحران تے لیگی رکن عظمیٰ بخاری ولوں پنجاب اسمبلی وچ قرارداد جمع کرا دتی گئی۔ قرارداد دے متن وچ آکھیا گیا اے پنجاب وچ آٹے دا بحران شدت اختیار کر گیا اے، سرکار نے 20کلو آٹے دا تھیلے دی قیمت 805روپے مقرر کیتی پر مارکیٹ وچ آٹا 840توں 850تک بلیک وچ فروخت ہو رہیا اے۔

فلور ملز دے مطابق گندم نہ ملن نال آٹے دا بحران پیدا ہویا اے۔ لیگی رکن دی قرارداد وچ ہور آکھیا گیا غریب بندے نوں روٹی دے لالے پے گئے نیں جد کہ سرکار ولوں آٹے دے بحران نوں سنجیدگی نال نہیں لیا جا رہیا، پنجاب وچ آٹے دی بحرانی کیفیت نوں ختم کیتا جاوے، حکومت فلور ملز نوں گندم دی فراہمی یقینی بناوے، سرکار دکانداراں نوں سرکاری ریٹاں تے آٹے دی فروخت دا پابند کرے۔