پنجاب حکومت دا اورنج لائن ٹرین 23مارچ نوں عوام لئی چلان دا فیصلہ

لہور: پنجاب حکومت نے اورنج لائن ٹرین 23مارچ نوں عوام لئی چلان دا اعلان کر دتا، چیئرمین سی پیک اتھارٹی لیفٹیننٹ جنرل (ر) عاصم سلیم باجوہ نے احکامات جاری کیتے اورنج لائن ٹرین 2مہینے بعد مارچ وچ عوام لئی ہر صورت ھولی جاوے۔

پنجاب حکومت دا اورنج لائن ٹرین بارے وڈا فیصلہ، 23مارچ نوں عوام لئی باقاعدہ کھول دتی جاوے گی۔ لیفٹیننٹ جنرل (ر) عاصم سلیم باجوہ دی زیر صدارت اجلاس وچ فیصلہ کیتا گیا اورنج لائن ٹرین بارے چائینز ٹھیکیدار کم نوں ویلے سر مکمل کرن تاں جے عوام 23مارچ توں میٹرو ٹرین وچ سفر شروع کر سکن۔

واضح رہوے اورنج لائن ٹرین منصوبہ اکتوبر 2015وچ شہباز شریف حکومت نے شروع کیتا تے اوہنوں 27مہینے وچ پورا ہونا سی پر ہن تقریباً 2سال دی تاخیر دے بعد مارچ 2020وچ پایہ تکمیل نوں اپڑے گا۔

50% LikesVS
50% Dislikes

اپنا تبصرہ گھلو