عمران خان عوام دا نہیں سلیکٹراں دا انتخاب اے: مریم نواز

مظفر آباد(پنجابی میڈیا گروپ)مسلم لیگ(ن)دی نائب صدر مریم نواز دا کہنا ایکہ عمران خان عوام دا نہیں سلیکٹراں دا انتخاب اے،تے سلیکٹراں دے اک اشارے اُتے لٹو دی طرح گھومدااے۔
آزاد کشمیر دے ہجیرہ کالج گرائونڈ وچ جلسے نال خطاب کردئیاں ہوئیاں مسلم لیگ(ن)دی نائب صدر مریم نواز دا کہنا سی کہ عمران خان نے آکھیا کہ میر ے علاوہ کوئی چوائس نہیں،عمران خان اپنی عوام دا نہیں سلیکٹراں دا انتخاب اے،تے سلیکٹراں دے اک اشارے اُتے لٹو دی طرح گھومدا اے،تُسی چوائس ایس لئی او کہ تُسی ہرگل اُتے جھک جاندے او،عمران خان نے لوکاں نوں دس دتاکہ اوہناں وچ تے نوازشریف وچ کیہ فرق اے۔
مریم نواز دا کہنا سی کہ عمران خان تسی کجھ وی کرو کشمیر اپنا فیصلہ سُناچکیا اے،تُسی کشمیر آن دی زحمت نہ کرو۔ عمران خان اپنا نمائندہ ایتھے ایس لئی لیاناچاہندا اے کہ کشمیر نوں صوبہ بنائے،ایہ سازش تیار کر چکے نیں صرف عملدرآمد کرنا اے،لیکن بچہ بچہ کٹ مرے گا کشمیر صوبہ نہیں بنے گا۔

اپنا تبصرہ گھلو