اج میں جو کجھ وی آں صرف اپنے شوہر دی وجہ توں آں: حرا مانی

کراچی: اداکارہ حرا مانی نے اپنی مقبولیت دا سہرا اپنے شوہر سلمان شیخ عرف مانی دے سر تے سجاندیاں آکھیا اے اج میں جو وی آں، جیویں دی وی آں تے جنی وی مقبول آں مانی دی وجہ توں آں۔ حرا مانی دا شمار پاکستان ڈراما انڈسٹری دی موجودہ دور دی مقبول ترین اداکاراں وچ ہوندا اے۔

کامیاب ڈرامے ”دو بول” دے بعد ہن حرا مانی اک ہور سپر ہٹ ڈرامے ”میرے پاس تم ہو” وچ ہانیہ نامی ٹیچر دا کردار ادا کر رہیاں نیں جہنوں لوکاں ولوں بڑا پسند کیتا جا رہیا اے۔

حرا مانی نے اک ویڈیو پیغام دے راہیں اپنی کامیابی دا سہرا مانی دے سر سجاندیاں ہوئیاں آکھیا اج توں 11ورھے پہلاں جدوں میں اک عام کُڑی سی جہنے اک مشہور بندے نال شادی کیتی سی تے مانی دی بیوی دے ناں توں جانی جاندی سی، اوس ویلے مینوں اک شو آفر ہویا جہنے مینوں خوفزدہ کر دتا کہ میں ایہ کر وی سکاں گی یاں نہیں پر اوس ویلے مینوں مانی نے ایہ یقین دوایا کہ حرا سب کجھ ہو سکدا اے۔

50% LikesVS
50% Dislikes

اپنا تبصرہ گھلو