اپنے ملک دی آپئی حفاظت کرسکدے آں:وزیراعظم عراق
بغداد( پنجابی میڈیا گروپ)عراق دے وزیر اعظم مصطفی الخادمی نے آکھیا اے کہ داعش دے خلاف جنگ آپئی لڑ سکدے آں ایس لئی امریکی فوج دی ضرورت نہیں رہی۔
عالمی خبر رساں ادارے اے پی نوں انٹرویو وچ عراقی وزیر اعظم مصطفی الخادمی نے ملک دیاں اہم پالیسیاں تے امریکا نال تعلقات دے حوالے نال اہم گفتگو کیتی۔ایہ انٹرویو عراقی وزیراعظم تے امریکی صدر جوبائیڈن دی وائٹ ہاوس وچ ملاقات نال اک ہفتے پہلاں کیتا گیا۔وزیراعظم مصطفی الخادمی نے اک سوال دے جواب وچ آکھیا کہ داعش دے خلاف لڑائی وچ کامیابی حاصل کرلئی اے تے شدت پسند سکڑ دے اک مختصر علاقے تک محدود ہوگئے آں ایس لئی عراق وچ ہن امریکی فوجی دستاں دی ضرورت نہیں۔
Load/Hide Comments





















