پاکستان تے چین دے درمیان دوستی ہمیشہ مضبوط رئی،دفتر خارجہ

اسلام آباد( پنجابی میڈیا گروپ)پاکستان نے آکھیا کہ چین نال آزمودہ دوستی ہمیشہ مستحکم ہوئی اے،بدلتی ہوئی علاقائی و بین الاقوامی صورتحال دے باوجود ایہ متاثر نہیں ہوئی۔وزیر خارجہ شاہ محمود قریشی دا دورہ چین مکمل ہون توں بعد دفتر خارجہ نے اک ٹویٹ وچ آکھیا کہ پاک چین سدا بہار دوستی ہمیشہ پھلی پھولی اے تے مستحکم ہوئی اے،جدکہ علاقائی تے عالمی بدلتی ہوئی صورتحال دے وی اوس اُتے کوئی اثرات نہیں پئے۔وزیر خارجہ شاہ محمود قریشی اپنا چین دا دو دن دا دورہ مکمل کرکے وطن واپس روانہ ہوئے،چین وچ اوہناں نے چینی سٹیٹ قونصلر تے وزیر خارجہ وانگ ژی نال ملاقاتاں کتیاں تے دوطرفہ تعلقات نوں ہور مستحکم کرنے دا عزم کیتا ۔دفترخارجہ نے آکھیا کہ پاکستان تے چین دوناں نے سدا بہار تذویراتی تعاون اُتے مبنی شراکت داری نوں ہور مضبوط کرن دا عزم کیتا۔چین دی خارجہ امور دی وزارت دے ترجمان نے دوناں رہنماواں دے درمیان ملاقات بارے ٹویٹ کیتا،ٹویٹ وچ آکھیا گیا کہ ایس توں ثابت ہندا اے کہ چین تے پاکستان اک دُوجے توں ودھ قابل اعتماد اچھے ہمسائے ،اچھے دوست تے اچھے بھرا نیں۔

اپنا تبصرہ گھلو