لہور ہائی کورٹ: مریم نواز دی بیرون ملک جان دی اجازت لئی اک ہور عرضی دائر

لہور: مریم نواز نے بیرون ملک جان دی اجازت لئی لہور ہائی کورٹ وچ اک ہور عرضی دائر کر دتی۔ متفرق عرضی وچ وفاقی حکومت، نیب تے دوجیاں نوں فریق بنایا گیا اے۔

عرضی وچ موقف اپنایا گیا کہ پیو دی طبیعت دن بدن ناساز ہوندی جا رہی اے، نوازشریف دی میدیکل ہسٹری میرے توں ودھ کوئی نہیں جاندا۔

عرضی وچ استدعا کیتی گئی کہ عدالت پیو دی تیمار داری لئی جان دی اجازت دیوے۔ مریم نواز ولوں دائر عرضی وچ نوازشریف دی تازہ ترین رپورٹاں نوں وی لف کیتا گیا اے۔

عرضی وچ موقف اپنایا گیا کہ پیو دی طبیعت دن بدن ناساز ہوندی جا رہی اے، نوازشریف دی تازہ رپورٹاں وچ اوہناں دے امراض وچ ہور وادھا ہو گیا اے، نوازشریف دی میڈیکل ہسٹری بارے میرے توں ودھ کوئی نہیں جاندا، عدالت میاں نوازشریف دی میڈیکل رپورٹاں دا جائزہ لے سکدی اے۔