آٹے مگروں چینی دی قیمت وچ وی وادھا، 5روپے کلو مہنگی

رحیم یار خان: دیس وچ آٹے تے کنک دے بحران دی آڑ وچ شوگر مافیا نے چینی دی ریٹ وچ وی وادھا کر دتا۔ کرشنگ سیزن جاری ہون دے باوجود 100کلو چینی دی بوری 500روپے مہنگی کر دتی گئی جہدے نتیجے وچ اک بوری دی قیمت 6ہزار 860توں ودھا کے 7ہزار 340روپے کر دتی گئی۔

فی کلو چینی ہول سیل وچ 75روپے جد کہ پرچون وچ 80روپے کلو تک فروخت ہون لگی۔

عالمی مارکیٹ وچ چینی دے ریٹ 50روپے فی کلو توں وی گھٹ نیںتے ایس ریٹ تے عالمی منڈیاں توں خریدی گئی چینی پاکستانی مارکیٹ وچ 100کلو بوری 5ہزار 800روپے دی پوے گی۔ چینی دی قیمت وچ اچانک وادھے تے انتظامیہ چپ تے ذخیرہ اندوز متحرک نیں تے اوہناں نے چینی نوں سٹاک کرن لئی ارباں روپے لا دتے۔

پنجاب وچ 10ملین میٹرک ٹن کرشنگ ہو چکی اے تے 10لکھ 51ہزار ٹن چینی دے ذخائر موجود نیں۔ مصنوعی گھن چکر نوں نہ روکیا گیا تے قیمت ہور ودھن دا خدشہ اے۔