پرچھاویں

گلفام نقوی

ماں دے دکھ نوں بھُل نہ جاویں
دھرتی دے سکھ بھُل نہ جاویں
ویکھیں کدھرے رُل ن ہ جاویں
اینویں نہ پچھتاویں پچھے
بدل دے پرچھاویں پچھے
اپنی چھاں نوں بھُل نہ جاویں
ویکھیں کدھرے رُل نہ جاویں
اُچے محلیں بتیاں تک کے
چمکن والیاں رشماں تک کے
گھر دے ڈیوے بھُل نہ جاویں
ویکھیں کدھرے رُل نہ جاویں
اکھ وچ چانن وانگوں وَس کے
چار دناں دا ہاسہ ہس کے
کجلے وانگوں ڈھل نہ جاویں
ویکھیں کدھرے رُل نہجاویں
پیار محبت فرض نبھاویں
اس دھرتی دا قرض چکائیں
دولت دے مُل تل ن ہ جاویں
ویکھیں کدھرے رُل نہ جاویں
اللہ دے قرآن نوں سمجھیں
حیدر دے ایمان نوں سمجھیں
بھرماں وانگوں کھل نہ جاویں
ویکھیں کدھرے رُل نہ جاویں